منوعات

وما زال للحديث عن النكبة بقية!!!!

وما زال للحديث عن النكبة بقية!!!!
سيدي قال….
بتعرف يا سيدي شو يعني القهر ؟
عروس تطلب الشهادة من عريسها مهر ..
حامل تسع شهور تولد الظهر و تدفن ابنها العصر
بتعرف يا سيدي شو يعني القهر؟
عجوز بالمقبرة ضايعة و ما بتعرف ابنها بأي قبر ..
وأم الها ثلاث اربع اولاد محكومين مؤبد بالأسر
بتتنقل من سجن لسجن برحلة عذاب وقهر
ممنوع تحضنو أو تبوسو مسموح بس النظر
بتعرف يا سيدي شو يعني القهر؟
لما يحتفلوا و يرقصوا و دمنا جاري تحتهم نهر ..
أشراف تنام بالمخيمات وأنذال تنام بالقصر ..
تعرف يا سيدي شو يعني القهر ؟
دول كبيرة بتتآمر علينا وما النا غير الصبر
وابن جلدتك ودينك يتعاون عليك مع ملة الكفر
بتعرف يا سيدي شو معنى القهر؟
انك تطلع ياااا سيدي من بلدك وتفكر حالك راجع بعد شهر ..
آه يا سيدي ما أصعب القهر…

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق